禁咪要自己整成丝丝啊~~~


(在navi[navi]的大作中发表)

其实腌肉系煮之前先落盐系ok噶,因为早落易出水!

鲜鸡比系清平同宝华市场都有得卖!


(在じ朱古力づ可琪[chocolate]的大作中发表)

------
It never rains but it pours!!!

LZ可以出书了，出了我实买


(在摇摆不定嘅鱼鱼[winnydailzh]的大作中发表)

我又嚟努力啦.屋企果个寻晚话想食猪润.今日早上一早去市场买左D新鲜猪润..腌好放系冰霜.

1,鲜鱿炒菜心
菜心2蚊(2.5一斤).鲜鱿2只7.5蚊,姜几片,蒜一粒
菜心洗干净,鲜鱿洗净去衣界花切片..界花即是系鲜鱿背心界网型嘅花纹..
落油开锅.落蒜爆香落菜心.炒几下.落盐.落少少盐.炒到菜心软差吾多熟嘅时间.落少少鲍鱼汁.装上碟铺好. 落油开锅落姜片.爆香,落鲜鱿,炒几下.落盐落少少糖..炒啊炒..熟嘅时间又系落D鲍鱼汁.淋上菜心面..搞掂..

2,洋葱炒猪润
洋葱一只细嘅1蚊,猪润7蚊.姜片几片
洋葱切片.切果时含住啖水或者保持把刀湿.甘就吾会流眼泪
猪润叫卖果个帮你切好.因为我系早上买.所以我落左几片姜,盐,糖腌住放入冰霜..晚上回来.落D生粉,落多D油将D猪润捞匀..落油开锅落姜片.落猪,大火快炒,7.8成熟装起.落油落洋葱落去炒,落盐,糖,洋葱变色后将D猪润倒埋落去.兜匀,落D鸡精..搞掂.....
炒洋葱时记得洗下只锅先.我懒无洗.所以有D焦.哈哈

3,手撕包菜
包菜一只1.7蚊.腊肉几片(吾使钱.奶奶俾嘅),蒜几粒
包菜用手撕开,撒成一块块.洗干净,
落油开锅落蒜同腊肉,爆到D腊肉出油,落包菜..炒啊炒...见到出水后落轻轻软身了,落陈醋..落豉油.炒啊炒啊...然后落少少糖.落D盐..炒啊炒...再落少少鸡精...最后落生粉水打芡...搞掂...

呢餐埋单一共RMB19.20..食到好饱..仲要食吾晒


(在navi[navi]的大作中发表)

得闲上来支持下...强烈建议楼主整翻个食谱~~
可以比我地偷师~~
一,一


(在摇摆不定嘅鱼鱼[winnydailzh]的大作中发表)

好..!!
边个娶到你系一件好事..


(在navi[navi]的大作中发表)

继续来偷师了喔


(在摇摆不定嘅鱼鱼[winnydailzh]的大作中发表)

寻日早上系东川路买左个电子炖盅.下午拿拿林返屋企试玩下....真系好方便啊.

炖盅有一大两细...我先用大嘅盅炖左个柯胶炖白鸽俾自己..再用两个细嘅炖左两盅细嘅花旗参无花果炖瘦肉俾屋企果个
 
我嘅..
柯胶炖白鸽
呢个系有个中医开俾我嘅汤水.话对女人好好
白鸽一只,柯胶10克,杞子10克,,元肉10克,党参30克,生姜两片
白鸽飞水洗干净,全部材料放入去炖盅炖2粒钟..搞掂

佢嘅.
花旗参无花果炖瘦肉俾屋企果个.
瘦肉5蚊,花旗参一条,无花果4粒,材料全部分开两份
瘦肉飞水洗干净,将D材料分别放入两个细炖盅.炖2粒钟,搞掂.

记住炖果时吾好落盐啵..食果时再落D盐.

炖盅个样..

我又嚟努力啦.前日系市场见到靓靓嘅牛仔骨,美味到不得了.买左三条

1,蚝油牛仔骨

牛仔骨3条15蚊

叫卖果个帮你砍好,用糖,盐,豆粉,蒜蓉腌一晚

落油开锅,有牛油就更加正啦.我叫次用牛油开锅的,用普通油都得,

油热倒D牛仔骨落锅,摊平佢.慢慢煎下两边,慢慢煎,煎到6.7成熟,

用蚝油加少少豆粉开水,做个芡汁,倒个芡汁落锅,兜匀佢地,炒到D汁收,上碟,搞掂.....

2,青豆角粒腊肠粒炒蛋

青豆角1蚊,腊肠两条4蚊,鸡蛋4只2蚊

豆角吾好买甘多.因为切粒,吾使太多

豆角,腊肠切粒,鸡蛋用油,糖盐发开

落多D油开锅,落豆角粒先,炒下,落DD盐,炒到豆角开始变少少软,落腊肠粒,爆炒下,

倒发好嘅鸡蛋,收中火.炒啊炒,炒到蛋岩岩熟,上碟..搞掂....

3,蒜炒香麦菜

香麦菜1斤1.3蚊

一粒蒜切片,

落油开锅,落蒜片,倒D菜落锅,炒啊炒,落盐,糖.炒啊炒,上碟前落D鲍鱼汁.搞掂...

呢餐埋单一共RMB23.3....食光光..哈哈

(在navi[navi]的大作中发表)

  好幸福呀！好 SWEET SWEET 呀！！！

  我好 QQQQQ 懒架？

  夜晚个餐饭，好钟意系一锅熟

（好似打边炉甘，乜春放晒落去，洗少只碗呀嘛）？

  夜晚放工，逼埋车番到屋企，支力到想训觉啦，

  得星期六、日先会好似 LZ 甘有心机咋！！！

  由字里行间，睇得出，

   LZ 真系好贤惠呀！！！


(在navi[navi]的大作中发表)

楼主一早去市场买菜，真系太利害啦~


(在じ朱古力づ可琪[chocolate]的大作中发表)

milk仔大过主人婆

摇摆不定嘅鱼鱼


谢谢你地一直甘支持我啊.哈哈


(在摇摆不定嘅鱼鱼[winnydailzh]的大作中发表)

じ朱古力づ可琪

我都系一次半次咋.如果成日都早上去买..得了咯.人都癫啊.哈哈


(在摇摆不定嘅鱼鱼[winnydailzh]的大作中发表)

lz好正啊，识得煮餸仲识煲咩汤，我屋企果件净系话我，煲来煲去都是果几味咋，比他激s啊


(在摇摆不定嘅鱼鱼[winnydailzh]的大作中发表)

摇摆不定嘅鱼鱼
其实我都吾系成日煲汤,因为一周返娘家一天,返奶奶度一天,

两天都有汤饮...奶奶仲要上午一种汤.晚上一种汤果种..

所以我都懒煲.哈哈..因为买左个炖盅.所以S重重煲下.哈哈


(在摇摆不定嘅鱼鱼[winnydailzh]的大作中发表)

真系羡慕到讲唔到野。。。。。呢D先系生活啊。。。。。我要学习！！！


(在navi[navi]的大作中发表)

不过我系要煮比我条女食。。。。。哈哈。。。。。


(在摇摆不定嘅鱼鱼[winnydailzh]的大作中发表)

好劲啊楼主你~


(在摇摆不定嘅鱼鱼[winnydailzh]的大作中发表)

赖史洛库李米尔维奇
好男人一个哦.哈哈


(在摇摆不定嘅鱼鱼[winnydailzh]的大作中发表)

我又嚟努力啦.努力努力..

呢次主角都系我嘅至爱..猪手..哈哈

1,话梅猪手
猪手1只9.3蚊,话梅6.7粒吾知几钱啊.
猪手砍好后落两姜落D水度飞水,飞水后再洗干净,话梅用一碗热水浸住.
落油开锅,爆香下D猪手,爆到猪手两边少少金黄色,将话梅同埋D水一齐倒落去.
煮5分钟后落D蚝油,落少少糖.再由佢炆啊炆.时不时留意下有无干水.水少了就要

加..大概20分钟左右吧.猪手就会开始淋了,试下味同用筷子督下睇下够淋未..

搞掂嘎啦..好容易整的..

2,芹菜韭王炒鸡心
前两前系超市见到D鸡心好靓,一盒先4.7蚊.芹菜一斤1.5蚊,韭王2蚊
鸡心洗干净落少少盐腌下,芹菜切段,韭五切段.用蚝油,糖,豆粉开个芡汁.
落油开锅,煎香D鸡心,煎到熟后装起.
落油开锅,落芹菜炒啊炒,落D盐,炒到芹菜快熟了,再落韭王,再炒几下.落埋D鸡心
.炒两下.倒D芡汁落锅.兜匀,炒几下..搞掂.

3,冲菜肉饼
市场卖嘅剁好的冲菜肉饼5蚊鸡
铺好系碟.落D油.用只碟COME住放入微波炉中高火叮6分钟.搞掂.
但我发觉..以后都系吾可以懒自己剁好..市场买果D..好散..蒸好都好散.吾好食.555

呢餐埋单一共RMB22.50..果屋果个好中意食芹菜同韭王,哈哈


(在navi[navi]的大作中发表)

个电子炖盅几好握！！！几钱咩牌子啊？？？


(在navi[navi]的大作中发表)

------
不要再恐惧,绝不要放弃,这一切将会渡过.

虽然都系家常菜,但甘有心机餐餐整,果然系结婚人士中的好女人.
做你老公有福气啊.


(在navi[navi]的大作中发表)

小妹

好似系乐尚呢个牌子.百几蚊.吾算好贵.我都觉得系几好用


(在小妹[bolivia]的大作中发表)

肥腾腾

其实都吾系餐餐煮嘅.哈..我地一个星期系家食饭系3餐左右啦.哈


(在小妹[bolivia]的大作中发表)

百几蚊就有两个炖盅啊?? 好似几好甘握...可以社短个具体地点比我么?

俺们很喜欢吃炖品,5使下下出去吃了...THX晒你啊..


(在navi[navi]的大作中发表)

------
不要再恐惧,绝不要放弃,这一切将会渡过.

小妹

短了..一共系三个内胆的..2细1大..


(在小妹[bolivia]的大作中发表)

直头赞到飞起，楼主你系得嘅。


(在navi[navi]的大作中发表)

哇~LZ你好伟大啊！！举脚支持！


(在navi[navi]的大作中发表)

楼主好强，支持一下


(在小妹[bolivia]的大作中发表)

一定要入来支持下你，你好劲啊 ，翻工甘辛苦，仲要翻到屋企，花甘多心思做去煮饭，真是厉害！！1


(在小妹[bolivia]的大作中发表)