其实我有时落班返到屋都几夜下..我周末会买定多D肉.腌好摆系冰箱.甘有时早上解冻晚上就可以煮啦.

好似我今日先买左袋鸡中亦..32蚊一袋,2斤..岩数过有32只..

我分左三盒,一盒9只用盐同豉油腌住,一盒9只用盐同多D蒜蓉腌住,最后一盒有14只我就用少少盐同糖腌住

甘到时想点煮都得啦..早上上班前放上保鲜格就得了..

 


(在小 野[soniawoo]的大作中发表)

好味道~


(在navi[navi]的大作中发表)

55555....本来人地今晚约好晒朋友去C+嘎嘛..点知我奶奶..9点几俾电话过嚟..话系附近食饭.食得夜.

今晚要过嚟训,唉.搞到我又做飞机王了.做人妻真系好多时候都要牺牲的..唉唉..

既然无街去..甘我就继续发贴啦..同场加演下宵夜啦..

岩岩屋企件野话要肚饿想食宵夜...唉...我地跌亲先半年..佢已经重左10斤有多啦.个个见到佢都话肥左好多..仲要食宵夜..

岩岩食完嘅宵夜

1,香煎鸡亦

6只.6蚊鸡(我今日系市场买左袋鸡亦..32蚊,2斤岩好32只..姐一蚊只啦)

呢6只系用豉油同少少盐腌过的.腌左几个钟了.够晒味

用平底锅煎.落油开锅,一只只鸡亦放落去...用大火将两边煎1-2分钟后,转中慢火慢慢煎

有少少耐性,如果怕吾熟..可以用只筷子督一下..可以轻易甘督得穿,甘就熟嘎啦

因为屋企件野中意食香口D嘅鸡亦.所以我煎得窿少少...搞掂

2,酸青瓜

日本小青瓜3条,1.5蚊(今日系超市见到日本小青瓜特价,6条一盒先3蚊,买左一盒,今晚用左三条)

柠檬一个..1-2蚊吧..呢个吾记得几钱了.之前买左几个柠檬

青瓜洗净切片

柠檬切半..揸D汁出嚟.准备D蒜蓉

将柠檬汁,蒜蓉倒落D青瓜度,捞匀..呢个时候可以落糖了.逐少落.自己试下味..视个人品味而定酸度

屋企果个中意酸D嘅.所以我通常都会调得D味酸D...搞掂

(其实呢个都可以用白醋代替柠檬汁,但用柠檬会香好多好食好多嘎).

仲有啊.因为呢个系生食所以D青瓜同蒜头最好用D冻开水洗一下..甘样卫生D..

3,小米粥

一杯仔小米...我估1蚊几毫吧(小米就系黄色小圆型果D米,应该系D北方产物,超市有得卖,我买左一大包先5.6蚊左右,好有营养的)..

小米洗干净,放落煲度.加水.煲15-20分钟,见小米开始想开了.就可以关火.搞掂.

通常一杯仔小米我会煲4-5碗小米粥,我系吾落盐食嘅.因为小米本身真系好香,好有米香.我屋企果个食果时就会落D盐

呢个睇个人喜欢啦

呢餐宵夜埋单一共RMB9蚊左右....煮好问NN食吾食.佢又话吾食..一,一

鸡亦

酸青瓜

小米粥

不得不顶 幸福节俭健康生活真系好


(在navi[navi]的大作中发表)

楼主好犀利啊，可惜我新屋装修好系同奶奶一齐住，唔使自己煮饭咯..............


(在navi[navi]的大作中发表)

以前我做开过间公司，我老细要我地煮饭过她吃，每人每餐4蚊买送钱，我地得三个人，日日林买平送都林到我地傻。


(在navi[navi]的大作中发表)

今日训到中午,屋企果个又话想食鸡亦,唯有早餐同中午果餐一齐食啦,前几晚娘亲送左三大包湾仔D云吞过我,都未得闲食,今日就整佢嚟食先.(世上最好果个真系自己个妈啊.跌亲后深有体会啊)

1,茄汁鸡亦
鸡亦9只,9蚊
都系我寻日买落果袋鸡亦,之前已经腌好了
落油开锅,将D鸡亦落锅.轻轻煎一下两边,两边都变色后,落少少水,落D豉油,COME埋个盖焗一下佢.
要久不久睇下会吾会干同反下佢地,焗佢3,4分钟,就落茄汁,兜匀佢.再COME盖,慢慢你会见到无晒
D水,茄汁已经上左色.锅入边D水变左茄汁色嘅油.甘呢个时候就差吾多啦.你可试上味.吾够味可以
落D盐.怕吾熟可以用只筷子督下佢.督得穿就熟嘎啦.搞掂..

2,麻油豉油淋青菜
青菜一扎,1蚊鸡
冰箱仲有之前未食嘅菜心同埋几棵小白菜,加埋应该1蚊鸡吧.因为都净返好少了
煲一煲水,落D油落D盐落埋D菜落去.滚淋佢.涝起D菜放系碟,
落少少油开锅,之后落D糖落D豉油爆热佢地,淋系菜面.最后加几滴麻油.搞掂..呢个完全无难度嘅.加蚝油都得.

3,煮云吞
呢个娘亲送,吾使钱,哈
两个人我煮左两板,一袋有三板
煲一煲水,如果你好似我一样甘懒嘅话,可以用返头先碌菜D菜水.哈
落D云吞落去,记得要时不时搞下.D云吞好容易痴底嘎.
见到D云吞只只浮起.你就可以落埋果D汤料,湾仔个袋入边有几包果D.我落左两包
滚一阵,搞掂..

呢餐埋RMB10.哈哈..

茄汁鸡亦

云吞啊

－－－－－－－－－－－－－－－－－－－－－－－－－－－－－－－－－－－

屋企果个,又烟又酒又夜训,见佢有两声咳,寻晚系超市见到D新鲜嘅鱼腥草4蚊斤
我买左一大扎,先RMB1.5,鱼腥草好有益嘎.清热解毒消炎.又烟又酒嘅人最岩

好简单嘅一个药用汤水,几蚊鸡就搞掂的.

鱼腥草煲瘦肉
鱼腥草1.5蚊 瘦肉3.5蚊 蜜枣2粒几毫子吧
瘦肉吾使买甘多,因为用嚟吊下味的
瘦肉最好飞一下水,如果吾系煲起嚟会起泡
将D鱼腥草,瘦肉,蜜枣一齐放晒落个煲度,加半煲水,要浸过D鱼腥草面的
大火煲滚,转细火,煲佢40分钟左右.搞掂....

呢个汤一共用左RMB5左右..又平又有益嘎,大家得闲就试下啦

大家放心，呢个汤都吾会好难饮嘅

呢个点睇都系茅根喔····边系鱼腥草啊


(在navi[navi]的大作中发表)

其实我都觉得佢地两个好似样..好辛苦揾左张茅根图,仲有鱼腥草张相.俾你睇下啦...

呢个系茅根..白色一条知直果D.

呢个就系我买嘅鱼腥草啦..系有吾同嘎...

(在autumn[hongcxu]的大作中发表)

几好哦，密切关注下。。。


(在navi[navi]的大作中发表)

好幸福啊。。。。你老公想唔肥都唔得


(在navi[navi]的大作中发表)

支持楼主!


(在navi[navi]的大作中发表)

好犀利！！得闲都学下先，我地都是二人世界，但煮来煮去都是个几味。。。。不过我住天河，20蚊就肯定唔得，普通菜都要成30蚊一餐。


(在navi[navi]的大作中发表)

哇..我日日捻吃咩菜..已经捻到头爆喇..你简直是我的神啊~
请继续更新..密切关注~~

我跌亲之后...觉得煮饭,简直是女人噶天敌~净系日日捻食咩已经好烦~~~日日都食果几味~~我最叻就是外卖鸡!!食到我LG口都寡埋..


(在navi[navi]的大作中发表)

你好犀利啊，我都好多时都会两个人煮饭吃，就咁一餐半餐，我都几乎霖到头爆啦！
好佩服你啊…

而且卖相都好好，感觉好正啊~

你LG真幸福

但系平时我地落班都好夜，都无时间买送。一次过买一堆，又惊放5耐…


(在navi[navi]的大作中发表)

LZ犀利，支持，佩服。按照你个菜谱翻去煮翻两餐，偷下师，嘎嘎


(在navi[navi]的大作中发表)

好正斗啊~~睇到我口水都流出来啦~


(在navi[navi]的大作中发表)

我同我只佬大概一晚2人煮饭都系10-15左右啦

一般周末先煲汤··哈哈

你D送好有卖相好得啊


(在navi[navi]的大作中发表)

继续发下相仔先.

呢餐系前两晚嘎啦..

1,牛肉滑煮豆腐

牛肉滑5蚊,豆腐2砖1蚊,芫茜同葱5毫
豆腐洗干净切块,豆腐自己会出水的,记得倒左D水,芫茜同葱切粒.
落油开锅,油热后转中慢火,将D牛肉滑用筷子夹成一旧旧,放落锅度煎一下,等佢成型
如果你整散佢,甘样就会变成牛肉碎,食起嚟无乜口感.煎到牛肉滑成型,差吾多变晒色啦
就可以落豆腐,落盐,落少少糖,兜匀佢地,然后落蚝油,可以试下味,D牛肉滑本身有味的,
所以一定要试下味.米先太咸了,记得要用少少生粉水.打个欠,豆腐会滑好多嘎....

最后将D芫茜同葱粒散上面,兜几下,搞掂...

2,清蒸太阳鱼
太阳鱼2条9蚊
太阳鱼本身好少腥味,所以我净系落几条姜丝就得啦
将太阳鱼洗干净,落少少盐搽系条鱼度,水滚落锅蒸,两条蒸5-6分钟就够啦.因为条鱼吾大,
好容易熟的,蒸完D鱼会出水,记得倒晒D水.
落油落锅,等D油热落D姜丝,加少少糖.息火,落豉油兜两下,然后淋上鱼面,搞掂...

3,白灼小白菜
小白菜一斤1.5蚊
(平时卖2.5嘎.果日见到市场居然卖1.5我一买买左三斤,点解要买甘多,因为呢种小白菜系最可以等
得,你分好分量用报纸包好.放落冰箱,摆成个星期都得啊.)
煮法简单到无得再简单啦.煲水落菜,落油落盐,淋后落鸡粉,搞掂....

呢餐埋单一共RMB17.....我要继续努力..哈哈哈

牛肉滑煮豆腐

清蒸太阳鱼

跌亲头两个月,住系新屋屋..点知新屋实在太遥远..返工极度吾方便.

屋企果件足知提出同奶奶换屋住.....唉唉唉...屋系换左啦..

系好方便啊..但好挂念新屋屋D野啊..全部我一手一脚布置嘎嘛

D碟都靓过人啦...55555..旧屋奶奶D碟好残啊....


(在navi[navi]的大作中发表)

买D摆得耐嘅菜咯..好似我岩提到嘅小白菜,真系可以摆好耐嘎..

买鸡亦咯..买D猪肉剁成肉饼.放冰格都可以摆好耐....仲有鸡,摆冰格都可以等好耐..

平时准备定D腊肠啊,腊肉,仲有好似D罗卜干..鸡蛋啊...呢D都系可以摆得耐嘅...

就算真系无买野.呢D都够整几个菜啦.哈哈


(在we 晕晕︷嘚cc~[ccyeah]的大作中发表)

woo..
好good啊~~
以前我買菜點都超過20蚊，可能之前那人太厭尖了。。


(在navi[navi]的大作中发表)

LZ好厉害啊，继续期待。。等我都学返下先~


(在蚊头[hwa007]的大作中发表)

我又嚟啦,哈哈

某日落班经过市场,见到买咸水鱼档有D杂鱼仔卖,先7蚊斤,呢D杂鱼仔好少有得卖的睇你个人中吾中意食咯.

1,杂鱼煲
杂鱼仔,斤几.8蚊左右,红尖椒2只7毫子,芹菜买好细一棵5毫子,葱3毫子
杂鱼仔洗干净,去头,一定要干净鱼肚入边,俾少少盐捞一下
红椒芹菜切块,葱切段,准备多D嘅蒜粒要切大粒D,仲有姜片.
呢个菜要用瓦煲仔煮.烧热个锅,落油,落几粒蒜粒同姜片爆香一下.
然后将D杂鱼.FING干净水,一条一条甘一层层放落锅,每层之间放几
粒蒜粒同少少姜片,一层层铺好,然后落水,落豉油,水+豉油大概要浸
系鱼面甘高落盐同糖,多D嘅胡椒粉,系煲边落D葱头,同埋先落一半嘅
芹菜同红椒,COME埋煲盖,等佢自己滚.一滚起.将之前净低嘅芹菜,葱
红椒都落埋去.再COME盖,再滚一阵.用筷子督下D鱼,督得入,搞掂...

D鱼一层层甘铺好

食得啦...

2,八爪鱼煎蛋
八爪鱼一只3.5蚊,圆椒一只8毫子,粟米粒2蚊,鸡蛋4只2蚊左右
八爪鱼洗净切粒,圆椒切粒
落油用姜蒜开锅,爆一下D八爪鱼粒.兜一阵落埋D粟米粒同圆椒粒
落盐,鸡粉煮一下,装起.你会见到八爪鱼会出水,倒左D水佢.
然后发蛋,发蛋要+油,盐,如果你中意可以加D鸡粉.
发好蛋.将之前炒好D料倒落去蛋浆度,搞匀,然后落油开锅煎蛋饼..搞掂...

炒起嘅粒粒,其实呢如果你吾煎蛋.就甘食都几好味嘎啦

煎好嘅八爪鱼蛋

3,炒菜心
菜心1斤1.5蚊
准备几粒蒜粒,落油开锅,低火爆香蒜粒,落菜心,炒啊炒.
落盐.可以落少少糖.炒啊炒..搞掂......

呢餐埋单一共RMB19.30.....买餸切忌..眼宽肚窄啊....记得啦!

(在navi[navi]的大作中发表)

我真系眼宽肚窄啊
成日都掌握5到分量

搞到好浪费啊~


(在navi[navi]的大作中发表)

哗...好厉害...虽然我未跌亲..不过有时要煮比爹娘吃..次次都买多左..哎!


(在navi[navi]的大作中发表)

多谢大家支持啊...


不过呢两日好少人顶啊..55555555555


(在navi[navi]的大作中发表)

我来帮你顶下，


(在navi[navi]的大作中发表)

好野，有埋整法，支持下先


(在navi[navi]的大作中发表)

谢谢鱼鱼支持..哈哈


(在摇摆不定嘅鱼鱼[winnydailzh]的大作中发表)